Ongi etorri nire blogera!

Sineskeriak Sinesten

Administrator — Tue, 03 Jul 2007 10:29:15 +0000

Badaude, gauza magikoak, zorigaitza ekartzen duten portaerak, zoriona ematen duten tresnak etab. Horiei sineskeriak deitzen zaie. Sineskeria, zientzia izenez ere ezagutzen da. Zoriona eta zoritxarra ekartzen duten ekintzak daude. Horietako batzuk aipatuko ditut.

Kolore horiak zoritxarra ekartzen omen die toreatzaileei. Mendizaleei, ordea, zorte ona ematen diete. 13 zenbakiak zorte txarra ekartzen duela esaten dute, Biblian hamahirugarren apostoluak, Judasek, salatzen baitu Jesus. Normalean zorte txarra dela esaten dugu katu beltz bat ikustean. Beharbada deabru bera da animalia itxura hartuta.

Zorte ona, berriz, 7 zenbakiak ekartzen du. Jaungoikoak zazpigarren egunean hartzen du atseden, zazpi dira Erromako zubiaren koloreak eta zazpi baita ere planetak. Beti esan da ferrak zoriona ematen duela, Elorrion, esate baterako. Egurra da, edo zuhaitza ia herrialde guztietan zorionaren seinale. Horregatik daude horrenbeste zuhaitz sakratu.

Hondartzetako arauak

Administrator — Tue, 26 Jun 2007 17:57:03 +0000

Uda iritsi denez, jende asko hondartzara joaten da eguna pasatzera baina, hori bai, arau batzuk errespetatu behar dira. Adibidez, jende asko goizeko 7:00 eta 8:00 inguruan hondartzara joten da gauzak uztera tokia lortzeko eta beranduago 11:00 edo 12:00 joaten dira berriz. Horrek 750 € -ko isuna ordaintzea behartzen dizu eta beste adibide batzuk azalduko ditut: hondartzako dutxetan xaboia erabiltzeagatik 750 € -ko isuna, txakurra paseatzeagatik 750 €, bandera ez errespetatzeagatik 1500 €, itsasontziek itsasertzetik 200 m baino gutxiagora egoteagatik 3000 €, itsasoa produktu kimikoekin kutsatzeagatik 3000€ eta beste arau gehiago. Beraz, badakizue, oporrak ondo pasatzeko dira baina hondartzak errespetatu behar dira ez zikintzen eta arauei kasu egiten.

ANIMATU!!

San Bernardo txakurra

Administrator — Wed, 13 Jun 2007 07:05:35 +0000

Txakur handia eta indartsua da, buru trinkoa du eta mutur motza. Begi sakonak eta ilunak, lepo indartsua, kokospea ezaugarritzat duelarik. Buztan zintzilikaria du, zabala hasieran eta zorrotza bukaeran., eta belarriak, luzera erdikoa. Larruazala, ile luzekoa izan dezake, izurtua eta mardula edo ile motzekoa, estutua eta leuna. Kolorea, berriz, laranja kolorekoa, kaoba kolorekoa, edo koloreanitza gorriarekin nahastua izan dezake. Bularra, zangoak, buztanaren punta, koilarea eta muturra beti txuri kolorekoak ditu.

San Bernardo txakurrak, espazio zabala behar du, ariketa eta janari ugari. Garbitasun arduratia behar du, batez ere ahoan eta begietan. Kontuan hartu behar da zirkulazio-arazoak izaten dituela gehienetan. Hala ere, txakur lasaia da, erraz hezi dezakezu eta bizikidetasun ona dauka.

Arraza hau ogi-puska bat da eta oso baketsua. Oso leiala da, atsegin ditu umeak, asko gustatzen zaie haiekin jolastea. Laburbilduz, islatzailea, mantsoa eta amultsua da. Ah! guk ezagutzen dugun txakur bat, arraza honetakoa da, ba al dakizue zein den?…Beethoven!

Argazkitxo batzuk ipini ditut, espero dut gustatzea.

Yorkshire txakurra

Administrator — Fri, 05 Jan 2007 11:47:31 +0000

Yorki txakurrak Britaniako irletan du jatorria. 1902 arte arraza hau zeharo ahaztuta egon da. Burua xelebrea eta atsegina bistarako, oso ondo proportzionatua gorputzari dagokionez. Garezurra ez dauka oso biribildua, laua baizik. Buru guztia marroi koloreko ile luzez dauka beterik. Begiak ertainak dira, ilunak baina dizdiratsuak. Betileak ilunak ditu, belarriak txikiak (V itxurakoak) ez daude aldenduak marroi-gorri kolorez beteak. Hortzak berriz, gogorrak eta osasuntsuak. Oso garrantzitsua da hortz-haginak oso ondo sartzea. Aurreko eta atzeko hankak kolore marroiko ilez daude estalirik, oinak biribilduak. Gorputza sendoa, indartsua eta trinkoa, torax-a garapen handikoa. Kumeak 4 edo 5 urterekin buztana mozten zaio, batez ere punta. Yorkie gehienek 3,1 kilo pisatzen dute baina badaude batzuk 5 kilo-ra iristen direnak ere. Mota honetako txakurtxoak edozein giraetara moldatzen da. Gainera umeekin oso ondo eramaten da, eta agure asko daude mota honetako txakurrak erosi dutenak.

Kutsadura gaitz modernoa

Administrator — Sat, 23 Dec 2006 20:11:56 +0000

Zer egin behar dugu kutsadura murrizteko? Telebistetako berrietan, egunero entzuten dugu kutsaduraren hedapena. Horrek, ondorio kaltegarriak eragin ditzake: Natura desagerrarazi, hondartzak zikindu…Nire ustez, kutsadura gaitz modernoa da eta horregatik murriztearen alde nago.

Hasteko, energia nuklearrak, batez ere, erradiaktibitate handiko hondakinak sortzen ditu eta denboran oso luze irauten dute, hamaika urtetan zehar egoten dira erradiaktibitatea sortzen.

Bestalde, kutsadura toxikoaren eragile nagusiak industria eta nekazaritza jarduerak dira, horiek ondorio kaltegarriak sortzen dituzte bai organismoan eta baita uraren kalitatean. Era askotako produktu toxikoak daude; pestizidak eta metal astunak, batez ere.

Gainera, begien bistan dago, uraren garbitasuna mantentzen gehiago saiatu beharko genukeela. Horretarako, mareak, itsasoak eta kostaldeak garbiak mantentzeko, ahalik eta zabor gehien bildu behar da. Besteak beste, aurreko udan, iskanbila ugari izan zen hondartzen garbitasunari buruz. Euskal Herriko zenbait hondartzei garbitasunaren bandera urdina eman diote, eta Donostian batez ere, beste urtetan baino zikinkeria eta kutsadura gehiago izan da uretan.

Hitz gutxitan esanda, automobilak edo beste produktu kutsagarriak erabiltzeak, naturarentzat kaltegarriak izan daitezke eta ez du merezi gu hobeto bizitzeko, natura kaltetzea eta bertako izaki bizidunak desagertzea.

Son Of Dork

Administrator — Sat, 16 Dec 2006 12:47:45 +0000

Britaniako talde musikal bat da. Urtarrilan sortu zen 2005 ean. Musikalari hauek osatzen dute taldea: James Bourne (gitarra jolea eta abeslaria), Steve Rushton (gitarra jolea eta abeslaria), Dave Williams (gitarra jolea eta ahots altu batzuk), Danny Hall (bateria) eta Chris Leonard (gitarra jolea eta abeslaria, gutxi abesten du). Pop-rock-a eta punk-pop-a jotzen dute. Abesti famatu asko dituzte, hauen artean famatuena “Ticket Outta Loserville” da eta beste abestiak hauexek dira: Eddie´s song, Little Things, Murdered in the mosh, Slacker, Sick, Wear me down, Two princess…eta askoz gehiago. James berez “Busted” musika taldekoa zen baina taldea desegin eta musikalari bakoitzak bere lanari jarraitu zion: Charliek bere musikako talde zaharrarekin jarraitu zuen, Matt-ek bakarlari bihurtu zen, bere abestiak konposatuz eta James-ek Chrisekin batera casting bat antolatu zuten Londresen. Bertatik, Dave, Danny eta Steve atera ziren. Esatekoa da 2007 urte berriaren hasieran disko berri bat atera behar dutela, ezin duzue galdu oso polita baita.

Erdian James Bourne, ezkerrekoa Steve Rushton, eskubikoa (ilehoria) Dave Williams, txurikoa Danny Hall eta eskubikoa beltzez jantzia Chris Leonard.

Cocker txakurra

Administrator — Sat, 16 Dec 2006 12:19:04 +0000

Cocker txakurrak Iberiar penintsulan du jatorria. Ehizan ibiltzeko erraztasuna du. Garezur zabala du, itxura arina boilur handiarekin. Belarriak eroriak eta ilez beteak dituzte, eta begiak berde-marroi kolorekoak, gainera ederrak eta handiak dira. Txakur mota honek, betazalekin arazoak izaten ditu gehienetan. Hankak, gihartsuak, sendoak eta gogorrak dituzte, batez ere atzekoak, katuen antzekoak baitira. Cokerrak oso jatunak dira, atsegin dute jatea, eta hori gutxi balitz, arrek 15 kilo eta emeek 13,5 kilo eduki izan dituzte gutxi gorabehera. Ehizarako erraztasuna duenez bizia da, jauzilaria, geldiezina, atleta bikaina eta tenperatura txarretara egokitua, erresistentzia ona du. Txakurkumeak direnean oso politak izaten dira, etxean edukitzeko modukoak…ez al duzue hori pentsatzen?

Zein polita den txakurtxo hau!

“Pastor Aleman” txakurra

Administrator — Thu, 26 Oct 2006 20:50:11 +0000

Txakur hauek, etxeak eta fabrikak zaintzeko erabiltzen dira, baita ere defendatzeko eta edozein txakur bat bezala erabiltzeko. Poliziak, asko erabili izan ohi dute txakur mota hauek: antidrogarako, antibonbetarako eta mota honetako gauza gehiagorako. Txakur honek Alemanian du jatorria, VII Alemanian, ardi txakur bat ageri zen, gaur egungoa bezalakoa baina larruazala argiagoa zuena, denborarekin iluntzen joan zena. Arraza arrunt bat bezala hautatu zuten Hannover-en 1882 an eta Lehenengo Munduko Gudan Ingalaterrara iritsi zen, han, txakur mota horri, Pastor Aleman edo Alsaciano deitu zieten. Adiskidetasun handia du, buru proportzionala, luzea eta ondo formatua, garezur zabala belarrien artean, belarriak luzeak eta puntadunak; begiak berde-marroi kolorekoak, animali atseginaren begirada. Lepo indartsua eta gihartsua, ile luzearekin. Gorputz finkoa eta indartsua. Buztana luzea, ile lodiarekin.

Adimentsua, leiala eta bere jabea babesten du, eta ez da beti bere jabearen atzetik dabilena, langilea baizik. Batez ere, aldi batzuetan erasokorra izan daiteke. Nire aitak horrelako txakur bat izan zuen eta badakizue zenbat neurtzen zuen? Ez didazue sinetsiko baina estiratua, atzeko hanketatik aurreko esku luzatuetaraino ia 2 metro neurtzen zuen, bai bai, 2 metro. Honen izena Taine.

Hegazkinak zeruan!

Administrator — Fri, 20 Oct 2006 17:40:55 +0000

Seguru ez zaretela gogoratuko jakintzako orrian idatzi nuena, “helikopteroak zeruan” izeneko idatzi bat. Ba esan nahi dizuet helikopteroa ia edo jadanik amaituta dagoela. Eta hau bigarren zatia da, hegazkinei buruz da. Forma askotako hegazkinak aurki ditzakezue: Vickers Vimy, Spirit of St. Louis, Learjet 45, Ryan NYP, Fokker-rak, Douglas DC-3, Beechcraft Baron 58 eta askoz ere gehiago. Bainan orain gasolinazko eta hegazkin elektrikoei buruz hitzegingo dizuet. Ez daude hegazkin mota asko hegazkin radiokontroleen artean, txuri-gorri kolorea duena da bereziki, “avion fight ” izenekoa. Beste hegazkin batzuk ere badaude: Diamant izenekoa, Pitts, Su-26 eta Transall. Helikopteroen atean, berriz, Hughes eta Three Dee izenekoa. Hauen irudiak lor ditzakezue google-en izenak ipiniz, idatzita aspergarriago egingo zaizue eta.

Hau da “Avion fight”-a, nere gustokoena.

Eta ez bakarrik egitan jolasteko, ordenagailurako jokuak ere badaude, horietako bat hauxe da: Microsoft Flight Simulator 2004 (cien años de aviacion) izenekoa, oso polita benetan. Egiazko edo ordenagailuzko hegazkinak ezin dira nahi duzun bezala hasi gidatzen (bueno egiazkoak batez ere, ordenagailuan ez baita ezer ere ez gertatzen) edozer gauza pasa dezake eta, adibidez, egiazkoarekin, puskatu egin dezake eta inoiz ezingo duzu inoiz erabili, beste bat erosten baduzu edo konpontzen baduzu bai, jakina. Espero det nire lana asko gustatu izana, agur!

DBH batekoen txanda!

Administrator — Thu, 12 Oct 2006 18:36:20 +0000

Jakintza Ikastolan, hasi da berriz blogen kontua. Eta esan nahi dudana da, ba aurten dbh batekoen txand dela. Mezu honen bitartez, esan nahi diet gogor saiatzeko eta lan asko egiteko. Orain gauza nola doan zalduko dizuet, nahiz eta Mikelek garbi asko esplikatu, lehenbizi bloga euskaratzen hasi beharko duzue, seguruenik hasita egongo zarete. Gero, bloga apaindu behar duzue, zuen bloga arrakastatsua izan bedin eta azkenik, berri interesgarriak idatzi. Jakinminen dauden hiztegien berri ere emango dizuet, lanean hasteko ordua baita. Bueno espero dut zuen bloga ondo joatea eta gustatuko litzaidake zuen blogen web orria jakitea. Hurrengo bat arte.

Lanean hasteko ordua da!